Rey den combersacion cu sector di Economia y Enseñansa na Aruba

ORANJESTAD - Riba diahuebs 19 di november, Su Mahestad Rey Willem-Alexander a hiba combersacion online cu representante di e sectornan di economia y educacion na Aruba.

Tema principal di e combersacionnan tabata consecuencia di e brote di corona den region Caribense di Reino Hulandes. Anteriormente Su Mahestad a papia tambe cu representante di e sectornan aki na Corsou y Sint Maarten.

Rey Willem-Alexander a hiba combersacion ayera mainta cu Señora Tisa LaSorte, Presidente di Aruba Hotel & Tourism Association (AHATA). Seguidamente Su Mahestad a papia cu directiva di Educacion Profesional Intermedio (Colegio EPI).

Na October ya Su Mahestad a hiba combersacion online cu representantenan di sector medico na Aruba, Sint Maarten y Corsou. A traves di combersacion via telefon y online, y unda cu ta posibel haciendo bishita di trabao, Rey Willem-Alexander y Reina Máxima ta informa nan mes tocante e consecuencianan di e brote di corona y nan ta expresa nan apoyo y aprecio pa e compromiso di tanto persona den e lucha contra e pandemia

Potret: Gabinete Gobernador di Aruba

Rey Willem-Alexander ta papia cu directiva di Educacion Profesional Intermedio (Colegio EPI).   Rey Willem-Alexander den combersacion Sra. Tisa LaSorte, Presidente di Aruba Hotel & Tourism Association (AHATA).   Rey Willem-Alexander ta papia cu directiva di Educacion Profesional Intermedio (Colegio EPI).

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options