Reunion fructifero entre e comision di accion plan nacional y tur fundacion cu ta atende cu bestia

ORANJESTAD - Riba 12 di mei, comision di accion di e Plan Nacional cu ta atende cu e problematica di cacho na Aruba a reuni cu fundacionnan cu ta atende cu bestia y tambe otro instancianan den sector priva.

Durante e reunion tur presente por a haci pregunta na e comision di accion y otro instancianan di gobierno, tocante e Centro di Control di Cacho (CCC) y e Unidad di Control di Cacho (DCU).

Sra. Irene Croes, veterinario y presidente di e comision di accion,  a duna un presentacion di e Plan Nacional.

Reunion fructifero entre e comision di accion plan nacional y tur fundacion cu ta atende cu bestia.Plan Nacional ta parti den diferente fase y cu realisacion di e Dog Control Unit (DCU), a completa e fase di accion inmediato. Ambos paso realisa, e CCC y e DCU, tabata puntonan cu Plataforma Ley di Cacho (PLdC). Mester a crea un lugar pa por tene cachonan den custodia manera cu Ley di Cacho ta stipula, y enforsando e ley cu lo yuda pa tin menos cacho riba caya. PLdC a menciona den e mesun documento cu pa yuda reduci e cantidad di cacho riba caya, tin cu uza garamento di cacho como herment adicional pa minimalisa e cantidad. Puntonan realisa di e fase aki ta entre otro proposicion pa ahusta e Ley di Cacho pa bin por ehempel cu registracion obligatorio di tur cacho, regla pa por atende tambe cu hendenan cu ta rasa cacho, y tambe proposicion pa haci sterilisacion di mascota algo obligatorio. 

Berdad sterilisacion di tur mascota ta un tremendo iniciativa, pero den pasado no a atende debidamente cu e problematica aki. Na fin di 2017 no tabatin fondonan necesario pa gobierno por a ehecuta sterilisacion masal. Na maart 2019 e comision di conseho y despues e comision accion a haci e peticion, pa fundacionnan cu ta ricibi fondonan grandi di exterior enfoca riba esaki. Durante e reunion a haci e peticion tambe pa busca donacion pa fundacion Stimami Sterilisami, pa nan por sigui cu nan programa di cual tur fundacion ta haci uzo di dje. E presidente di e fundacion Stimami Sterilisami a declara cu lo mester pone 1 miyon florin un banda pa sterilisa. Gobierno den e situacion di crisis actual no tin e fondo ey.

Reunion fructifero entre e comision di accion plan nacional y tur fundacion cu ta atende cu bestia.Cu e recursonan minimo cu ta ricibi pa ehecuta e Plan Nacional educacion ta tumando lugar pa atende cu doñonan iresponsabel. Proyectonan di educacion na scol a inicia desde augustus 2019 tocante e Ley di Cacho. Tin tambe e pagina di FaceBook Stima Mi Mascota pa informa y educa pueblo di Aruba riba e tópico aki. E situacion anterior, unda no tabata  brinda e bestianan  ni un ora pa rescata nan, ta den pasado. E mascotanan ta keda dianan eynan manera cu Ley ta stipula wardando pa haya un doño nobo atraves di e promocion via e pagina Stima Mi Mascota.  Ademas, mirando cu e CCC ta un lugar cu ta atende cu tur doño di cacho cu ta un trece nan mascota pa haci distancia di dje.

Importante pa crea e cooperacion y colaboracion debido entre tur instancianan, fundacionnan y departamentonan gubernamental pa por eherce y enforsa e ley, locual ainda tin hopi espacio pa mehoracion.

Reunion fructifero entre e comision di accion plan nacional y tur fundacion cu ta atende cu bestia.Según  Ley di Cacho tur cacho mester ta den cura. Ta compronde cu varios fundacion a percura pa sterilisa varios mascota riba caya, y cu ta dispuesto pa coopera den e fase inicial di e DCU, solamente si e cachonan no ta brabo of no ta forma un menasa pa e bario. Solamente cu aprobacion di e bario completo, cachonan cu ta opera caba lo por keda den e bario, pero cu un tag grandi na nan banchi pa evita cu e DCU ta (bolbe) piki nan. Tur fundacion mester compronde tambe cu ciudadanonan di e barionan caminda cacho di caya no ta bon bini lo por pidi DCU pa yudansa. E fundacionnan responsabel pa a pone nan den e bario idealmente lo tin e oportunidad pa busca un hogar permanente pa nan.

E DCU ta pa yuda enforsa Ley. Hendenan ta hayando multa. A haci peticion na cuerpo policial pa cuminsa publica e multanan. Ta spera cu mas doño di cacho cuminsa atende cu nan mascota na un forma mas responsabel. E Ley di Cacho no solamente ta pa mantene cacho den cura sino tambe pa cuido apropia di cacho, mirando cu negligenicia y abuso di animal no ta permiti.

E capacidad di e CCC pa tene cacho ta limita. Mirando e situacion financiero di pais Aruba na e momentonan aki ta pidi comunidad di Aruba pa haci di nan parti, sterilisa bo mascota, tene bo cacho den cura, y pa tene pasenshi, paso e DCU a inicia su trabou y ta atendiendo paso pa paso door cu e problematica ta hopi grandi.

E meta ta pa huntu nos continua pa stimula mas hende pa ta un doño responsabel.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options