Reunion cu PAHO tocante proyecto di salud

E reunion aki tabata den cuadro di diferente proyectonan cu lo ehecuta den e siguiente lunanan.

PAHO semper tabata un gran ayudo den nos sector di salud. Aruba tin hopi aña ta traha hunto cu e organizacion aki pa asina por mehora e servicio y calidad di salud na Aruba.

Na e momentonan aki ta trahando hunto riba diferente maneho di prevencion, den cual NCDs (Non-Communicable Disease) ta un parti bastante grandi.

Na 2006 PAHO a haci un estudio na Aruba cu diferente puntonan cu a trece dilanti y a uza pa genera data tocante salud di nos pueblo. Conhuntamente cu PAHO, Ministerio di Salud Publico lo ta organisando un estudio cual lo tuma lugar na cuminsamento di 2023 y lo uza como e baseline pa adkiri data den nos comunidad.

E proyecto aki ta premira di consisti di data for di mas o menos 5000 persona den nos comunidad y lo tuma pa hogar (huishouden). Proyectonan manera esaki ta sumamente importante pa por implementa medida den salud publico na tempo y eficiente.

Durante e reunion Aruba a haya elogio pa ta constantemente ocupa na un manera pro activo den e area di prevencion di salud. Prevencion ta un prioridad pa e gobierno y hunto nos lo por logra esaki.