Resumen di biahe di trabou di Prome Minister na New York

ORANJESTAD - Durante e siman di Asamblea General di Nacionnan Uni, Prome Minister Evelyn Wever-Croes a participa na varios reunion via Plataforma online y tambe personal na New York.

E ultimo tawata un biahe di trabou cortico cu 9 reunion hopi importante y fructifero specialmente sigur pa e recuperacion di e pandemia.

Prome minister mr. Evelyn Wever-Croes y representantenan di UN Women na e di na e di 76 Reunion General di Nacionnan Uni. Premier Mark Rutte di Hulanda, Prome minister mr. Evelyn Wever-Croes y Secretario General di Nacionnan Uni, Señor Antonio Guterres na e di na e di 76 Reunion General di Nacionnan Uni. Prome Minister a reuni cu Secretario General di Nacionnan Uni, Señor Antonio Guterres hunto cu Premier Mark Rutte di Hulanda. Premier di Hulanda a trece padilanti kico ta e enfasis pa di parti di Hulanda pa cu e paisnan den Reino. Di su parti, Premier Wever-Croes a enfatisa e importancia pa Aruba como Small Island Development States (SIDS), sigui haya e sosten di Nacionnan Uni pa por logra specialmente aworakinan cu Aruba ta saliendo di e pandemia.

Prome minister mr. Evelyn Wever-Croes y Courtenay Rattray, ‘High Representative for Small Island Development States’ na e di na e di 76 Reunion General di Nacionnan Uni. Prome minister mr. Evelyn Wever-Croes y Selwin Hart cu ta Special Advisor to the Secretary General on Climate Action na e di na e di 76 Reunion General di Nacionnan Uni. Prome Minister a reuni tambe cu sr. Courtenay Rattray cu ta e ‘High Representative for Small Island Development States’ y cu sr. Selwin Hart cu ta Special Advisor to the Secretary General on Climate Action. E dos reunionnan aki tabata super crucial pa nan por realisa cu apesar cu Aruba ta parti di Reino, Reino ta un pais cu ta haci hopi donacion na Nacionnan Uni consecuentemente Nacionnan Uni no por duna nos placa pasobra nos ta parti di ‘donor land’. Asina mes Nacionnan Uni ta realisa cu nan mester bay yuda Aruba di otro formanan. Hunto a yega na cierto palabracionnan hopi interesante y nan a pone nan hende disponibel pa yuda Aruba den esaki tambe. “Mi ta aprecia esaki masha hopi mes”, Prome Minister a remarca.

Prome minister mr. Evelyn Wever-Croes na e di na e di 76 Reunion General di Nacionnan Uni. Prome minister mr. Evelyn Wever-Croes y Premier Mark Rutte di Hulanda na e di na e di 76 Reunion General di Nacionnan Uni. Diabierna 24 di september, Prome Minister a participa na e Asamblea General mes caminda cu Premier Rutte a trece dilanti e parti di e vision di parti di Reino, con ta mira e desaroyo durante e pandemia y saliendo di e pandemia. E presencia di Aruba na e Asamblea General como parti di Reino, tawata hopi importante riba e topico aki.

Den e Asamblea General, Prome Minister a topa cu señora Mia Motley cu ta e prome hende muhe Minister President di Barbados. Señora Motley su mama a nace aki na Aruba. E combersacionnan hiba entre e dos premiernan tawata di hopi profondidad realisando tambe hopi similaridad entre Barbados y Aruba.

Ta di remarca tambe cu Hulanda a entrega un SDG studio na Nacionnan Uni. Nan a crea henter un espacio caminda nan a haci’e casi manera un estudio di television. Premier Wever-Croes tabata presente tambe pa esaki. Nacionnan Uni a keda hopi agradecido pa e gesto aki.

Prome minister mr. Evelyn Wever-Croes y embahador di Reino na Nacionnan Uni sra. Joke Brandt na e di na e di 76 Reunion General di Nacionnan Uni. Logo di e di 76 session di e Asamblea General di Nacionnan Uni.Despues a sigui reunionnan na e Embahada di Reino. Prome Minister a reuni cu embahador di Reino na Nacionnan Uni sra. Joke Brandt na unda el a splica e vision di e gobierno nobo y con nan por asisti Aruba desde New York pa nan yuda Aruba busca mas oportunidad y desaroyo economico. “Nos kier logra crecemento economico na Aruba y aki tin hopi oportunidad. Hunto cu e oficina di señora Brandt, lo sigui atende cu esaki den e tempo nos dilanti. Contento di por traha cu un hende muhe den e posicion clave aki. Pa mi tabata hopi importante pa nos traha riba nos plan. Nos a entrega nos Masterplan “Repositioning Our Sails” y pa awor nos ta busca esnan interesa pa yuda nos desaroya nos economia”, Prome Minister a expresa.

Prome minister mr. Evelyn Wever-Croes na e di na e di 76 Reunion General di Nacionnan Uni. Tambe Prome Minister a entrega e vision di energia pa Aruba, Energy Policy pa asina sondia e posibilidadnan pa haya partners pa yuda Aruba ehecuta e vision aki. Tambe ta trahando hunto cu UN Women cu ta e departamento di Nacionnan Uni cu ta trata cu derechonan y posicionnan di hende muhe. Hunto cu UN Women ta trahando riba e Gender Policy pa Aruba y ta hopi importante e rol cu embahada por hunga eynan.

Prome minister mr. Evelyn Wever-Croes y representantenan di UN Women na e di na e di 76 Reunion General di Nacionnan Uni. Den e reunion cu Netherlands Foreign Investment Agency (NFIA) a toca e tema di inversionistanan. NFIA ta encarga pa busca inversionistanan pa Hulanda. Prome Minister a presenta nan tambe e retonan cu Aruba tin y e posibilidadnan cu Aruba ta ofrece. Nan a keda hopi interesa y nan por yuda Aruba tambe busca loke nos ta buscando cu ta ‘foreign direct investments’.

Por ultimo, Prome Minister a reuni cu Premier Rutte cu punto di agenda comun cu e premiernan tabata tin na New York. Pero tambe riba e situacion na Aruba. Pa medio di Prome Minister, Premier Rutte a felicita Aruba cu nos gobierno nobo. A hiba conbersacionnan riba e tema di Covid y con Covid a afecta Aruba y principalmente e retonan financiero cu Aruba ta den.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options