Resultado Censo2020 – Vivienda

Dit item is gearchiveerd op 23-10-2021.

ORANJESTAD -  Oficina Central di Estadistica (CBS) ta presenta e resultadonan di conteo di vivienda.

78.3% di hogarnan na Aruba ta biba den un cas.17.9% di hogarnan ta biba den un apartamento.  Vivienda

Segun dato colecta durante Censo2020, 78.3% di hogarnan na Aruba ta biba den un cas. Na Censo 2010, 79.5% di e hogarnan tabata biba den un cas.

E siguiente grupo mas grandi di hogarnan ta biba den un apartamento. E grupo aki ta representa 17.9% di e hogarnan na Aruba. Esaki ta nifica un aumento chikito den comparacion cu Censo2010 na unda 16.4% di e hogarnan tabata biba den un apartamento.

Con nos ta biba?Otro hogarnan cu ta representa 3.8% di e total, ta biba den diferente otro tiponan di vivienda, esta:

  • 2.0% ta biba den un trailer of container
  • 1.2% ta biba den un camber apart den un cas
  • 0.4% ta biba den un cuarto y
  • 0.2% di e hogarnan ta biba den otro tipo di vivienda manera por ehempel den un condominium

Den comparacion cu e Censonan anterior, por ehempel di aña 2000 y 2010, no tabatin cambionan significante den e porcentahe di hogarnan cu ta biba den e tipo di viviendanan aki, cu excepcion di hogarnan cu ta biba den un cuarto.

0.4% di hogarnan na Aruba ta biba den un cuarto.  75% di hogarnan ta doño di nan mesun vivienda.Na Censo2000, 2.0% di hogarnan na Aruba tabata biba den un cuarto. E porcentahe aki a disminui te na 1.1% na Censo2010 y a sigui baha te na 0.4% na Censo2020.

Pa loke ta trata propiedad di viviendanan na Aruba, e resultadonan di Censo2020 ta mustra cu 75% di hogarnan ta doño di nan mesun vivienda.  Esaki ta representa un aumento di 11.9% compara cu Censo2010 na unda e porcentahe aki tabata 67%.

22.3% di hogarnan ta huur nan vivienda.2.4% hogarnan cu ta biba gratis/sin paga gasta den nan vivienda.E porcentahe di hogarnan cu ta huur nan vivienda a disminui di 28.2% den Censo2010 pa 22.3% den Censo2020.

E porcentahe di hogarnan cu tabata biba gratis/sin paga gasta den nan vivienda tambe a disminui di 3.7% den 2010 pa 2.4% den 2020.

Pa mas informacion por bishita nos website www.census2020.aw of nos pagina di Facebook: Central Bureau of Statistics Aruba.

Pasobra Aruba ta conta.  3.8% di hogarnan ta biba den diferente otro tiponan di vivienda.  Resultado Censo2021.  

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options