Restauracion y renobacion Watertoren San Nicolas (gearchiveerd)

Dit item is gearchiveerd op 29-05-2012.

OEANJESTAD – E trabounan pa restaura y renoba e edificio di Watertoren na
San Nicolas a cuminsa y na april 2013 e edificio lo ta cla pa fungi como un
centro di exposicion pa e companianan di utilidad.

Watertoren San Nicolas
Na 1996 WEB a traspasa e edificio pa fundacion cuido di monumento, pero e restauracion y renobacion a conoce diferente contratiempo. E structura a deteriora bastante y e financiamento tambe tabata un problema.
Den cuadro di e plan di Gobierno pa restaura y renoba edificionan monumental, a logra haya financiamento for di Fondo Nacional Hulandes pa Restauracion y Caribbean Mercantile Bank.
Na 1939 a inaugura e watertoren na San Nicolas hunto cu esun di Oranjestad. Prome ministro Mike Eman a considera Watertoren San Nicolas como un edificio di resistencia cu pa hopi aña a para fuerte contra elementonan natural y di otro banda ta un simbolo di luz di speransa. “Aruba a conoce momentonan di crisis. Momentonan cu nos a perde casi tur confiansa den futuro y momentonan cu nos a recobra e confiansa aki. Memey di tur esaki nos tin simbolonan cu ta nos luznan di speransa. Nan ta keda para fuerte como simbolonan di vitalidad. E watertoren aki ta un di nan”.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options