Restauracion di Ex Botica Aruba a finalisa

ORANJESTAD – Recientemente, den presencia di Minister di Cultura, Stichting Monumentenfonds Aruba (SMFA) a celebra e finalisacion di e proyecto di restauracion di e monumento na Steenweg 19 conoci manera ex Botica Aruba of El Mercado.

Restauracion di Ex Botica Aruba a finalisa.E proyecto a keda ehecuta p’e contratista Van Kessel Havenbouw NV. E diseño di e edificio tabata den man di Archiosa y Archiosa hunto cu JOOST ABC tabata encarga cu e supervision di e proyecto. Sr. Evert Bongers cu a haci e investigacion di e historia di e bunita monumento aki y a skirbi e articulo: Botica Aruba, bedrijf van heren van stand. Sigur un danki na tur e familiarnan cu a yuda tambe cu informacion y potretnan di antes. Walter Mohammed a saca potret di e edificio pa durante diferente fase di e proyecto.

Restauracion di Ex Botica Aruba a finalisa.Solamente a restaura e parti exterior di e monumento. E motibo ta cu ainda no tin un huurdo pa e edificio. Una bes cu Stichting Monumentenfonds Aruba logra cera un acuerdo di huur lo cuminsa cu e di dos fase pa asina adapta e interior di e edificio na necesidad di e usuario.

Generalmente tin algun rekisito prome cu SMFA cumpra un edifício. Un rekisito hopi importante ta cu mester tin un huurdo na termino largo pa por sigui cu e proceso pa adkeri e monumento.
Den e caso di e edificio monumental aki na momento di compra no tabata tin un huurdo. Debi cu e edificio lo a core peliger di cay den man di comerciantenan cu lo a basha esaki abou, SMFA a tuma e decision di cumpra pa asina por salba esaki.

Maria C. Werleman Chef Bureau Ondersteuning Bureau Voorlichting Caya Mario E. Harms 31 Oranjestad, Aruba Tel: (297) - 5825774 Fax: (297) - 5836961Maria C. Werleman Chef Bureau Ondersteuning Bureau Voorlichting Caya Mario E. Harms 31 Oranjestad, Aruba Tel: (297) - 5825774 Fax: (297) - 5836961E edificio na Steenweg 19 ta un monumento proteha, construi na 1925 pa Addison Winfield Croes. Na aña 1935 hunto cu Gustave Nouel a cuminsa cu Botica Aruba den e edificio y esaki a fungi como botica te na november di aña 1985 caminda e botica a cera su portanan. Despues Palais Hindu a cumpra e edificio y na aña 1993 ‘El Mercado’ a habri su portanan.

Awor despues di seis aña cu SMFA a adkiri e edificio, por a restaura e edificio aki y hibe bek na su forma original den cual e la keda construi den añanan binti. Un monumento cu hopi detaye y decoracion. habri e balcon di e edificio bek y trece bek e decoracionnan den estilo ‘gingerbread’ tanto na e bentananan como na e balcon. Den e forma aki Stichting Monumentenfonds Aruba por garantisa cu e monumento di Steenweg lo tey pa futuro generacionnan por conoce tambe e historia di Botica Aruba.

SMFA sigur kier agradece tur cu a traha na e proyecto aki di un of otro forma.

Maria C. Werleman Chef Bureau Ondersteuning Bureau Voorlichting Caya Mario E. Harms 31 Oranjestad, Aruba Tel: (297) - 5825774 Fax: (297) - 5836961  Maria C. Werleman Chef Bureau Ondersteuning Bureau Voorlichting Caya Mario E. Harms 31 Oranjestad, Aruba Tel: (297) - 5825774 Fax: (297) - 5836961  Maria C. Werleman Chef Bureau Ondersteuning Bureau Voorlichting Caya Mario E. Harms 31 Oranjestad, Aruba Tel: (297) - 5825774 Fax: (297) - 5836961

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options