Renobacion Maris Stella lo keda cla pronto (gearchiveerd)

Ministro encarga cu Asunto Social, Michelle Winklaar, a bishita e edificio pa mira e avance di e trabounan cu ta entre otro cambia blafon, hancha e portanan, construccion di bañonan individual den cada camber, cambia mosaico y un instalacion nobo y moderno di coriente.
Tambe a renoba y amplia e casnan pa personanan cu ta desea di biba independiente, pero toch cu ayudo y cuido di otronan unda cu ta necesario. Mirando e proceso di envehecimento cu Aruba conoce actualmente, e mandatario ta kere cu mester sigui inverti den cuido di personanan di tercera edad. No solamente pa medio di casnan pa cuido, pero tambe crea oportunidad y facilidad pa esunnan cu ta desea di sigui biba den nan mes cas segun ministro Winklaar.
E lista di espera pa personanan cu ta desea di biba den un cas di e tres casnan pa cuido di hende grandi ta largo, pero despues di e renobacion na Maris Stella tin capacidad pa 90 hende mas. E otro dos casnan pa cuido ta situa na San Nicolas y Oranjestad.