Reglanan di maneho y prevencion na Gate nr.5 y Welcome Plaza

ORANJESTAD, Aruba – 09 juni: Tourism Oriented Police (TOP Oranjestad) di Cuerpo Policia conhuntamente cu partnersnan envolvi, ta anuncia lo siguiente.

En conexion cu apertura di gate number 5 di Aruba Ports Authority cual lo wordo uza pa e pasaheronan di crucero e siguiente reglanan di operacion y prevencion ta aplicabel entrante diaranson 9 juni 2021.

E reglanan aki ta pa mantene orden publico, operacional y siguridad di nos mes y nos bishitantenan.

Tambe TOP kier a recorda tur hende cu tin borchinan na Welcome Plaza cu ta indica cu esaki ta unicamente pa tour operators y havenpersoneel y cu tin orarionan stipula tambe.

Reglanan di maneho y prevencion na Gate nr.5 y Welcome Plaza Esaki pa minimalisa e trafico pa mantene siguridad di esnan cu ta opera riba e tereno aki y nos bishitantenan. Tene cuenta cu e borchinan di trafico. Tambe lo tin controlnan extenso di tanto TOP Oranjestad conhuntamente cu DTP y DVG pa optimalisa e operacion na Gate 5.

Reglanan di operacion y prevencion pa Tours:

  • Tur pasahero mester uza tapaboca (mondkapje);
  • Mester tin handsanatizer abordo di e vehiculo;
  • Si por tene un lista di nomber di e pasaheronan y di cua barco nan a baha di dje;
  • Tuma tur medidanan di prevención.

Reglanan di operacion y prevencion Tour Operators :

  • Tur tour operator mester uza nan tapaboca (mondkapje);
  • Mester tuma 1.5 meter di distancia for otro;
  • No por causa ningun tipo di aglomeracion di hende;
  • 5 tour operator so lo wordo tolera cada banda di gate nr. 5. (10 tour guide) cada biaha un next in line lo tuma su lugar. E otronan tin cu warda nan turno den nan vehiculo;
  • Mester para na lugar asigna cu lo wordo marca. (distanciamento social);
  • Regreso for di e tours;
  • Regreso di tours tambe mester sosode na e drop off zone (parkeer haven diamonds international) pero den un manera responsabel pa evita aglomeracion di e pasaheronan.

Rental operators:

  • Tur rental operators lo opera otro banda di caminda dus den e Welcome Plaza;
  • Solamente un personal pa compañía;
  • Mester uza tapaboca (mondkapje);
  • Mester tuma distancia di 1.5 meter for di otro (distanciamento social);
  • si por sanitize e vehiculonan prome y despues di wordo entrega.

Taxi:

  • Tur Taxista mester uza nan tapaboca (mondkapje);
  • Mester tin handsanatizer abordo di e vehiculo;
  • No por causa ningun tipo di aglomeracion di hende;
  • Taxinan lo opera for di nan taxi stand dilanti di Welcome Plaza;
  • Pickup y drop off lo sosode na e dicho taxi stand;
  • E taxi stand aki ta exclusivamente pa taxistanan;
  • No por parkeer ningun vehiculo cu no ta taxi y tampoco por carga ni descarga carga na e dicho stand;
  • Unico exepcion cu lo tolera un taxista subi e Welcome Plaza si nan tin pasahero cu asistencia special (p.e. handicap) y lo mester drop off na e drop off zone indica. (parkeer haven Diamonds International);

Cuerpo Polcial Aruba ta spera di por a informa tur hende debidamente di e reglanan operacional y di prevencion.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options