Recorido na Embassy Suites by Hilton

ORANJESTAD – Recientemente, Minister di Turismo y Salud Publico, Sr. Dangui Oduber, y Minister Glenbert Croes tabata di bishita na Embassy Suites by Hilton.  

Durante e bishita, a  topa cu e gerente general di Embassy Suites, Pablo Casal. Embassy Suites ainda ta bou di construction y lo wordo inaugura oficialmente den Januari di 2023. Embassy Suites ta e di dos brand cu mas aña di existencia di Hilton.

Durante e encuentro aki a haya un presentacion di loke cu e hotel ak ta bay ofrece. E hotel ta consisti di 330 camber, di cual tur camber ta suites. Lo tin 134 king suites, 196 double queen suites y tambe lo tin 2 grand suite. Tur e cambernan aki lo tin bunita bista, cu opcion pa lama y tambe  Bubali Plas.

Minister di Turismo y Salud Publico, Sr. Dangui Oduber, y Minister Glenbert Croes tabata di bishita na Embassy Suites by Hilton.   Durante e bishita tambe nan a splica cu tur camber cu  bende ta inclui desayuno. Nan lo tin un restaurant den e lobby cu ta yama “Brickstone” y tambe band’i pool lo tin un otro grill restaurant cu ta yama “Splash”. Tambe nan a splica cu nan lo ofrece un recepcion di dos ora tur anochi, cu bebida inclui pa tur nan huespednan. Esaki ta parti di nan strategia tambe pa diferencia nan mes for di otro hotelnan na Aruba, y tambe un oportunidad pa socialisa.

Den e segundo fase di e hotel nan lo tin un spa y tambe un casino. Tambe nan a mustra e tunel cu ta conecta e hotel cu Eagle Beach. E hotel lo tin traha un ballroom hopi espacioso y diferente meeting rooms cu por uza pa evento den grupo of  of diferente ocasion.

E mandatarionan kier gracidi Embassy Suites by Hilton pa e bishita aki y tambe pa e presentacion di nan futuro calidad y servicio. Ta un inversion di $130 miyon cu lo bay crea entre 150-200 cupo di trabou cual ta hopi importante pa Aruba.

Tambe ta haci yamada na nos hobennan pa registra na DPL pa un trabou na Embassy Suites. E hotel aki ta uno completamente nobo, cu mester di personal. E ta e oportunidad pa bo crece den e mundo hotelero unda cu bo tin un trabou sigura pasobra turismo ta e motor di nos economia.  

Minister di Turismo y Salud Publico, Sr. Dangui Oduber, y Minister Glenbert Croes tabata di bishita na Embassy Suites by Hilton.        Minister di Turismo y Salud Publico, Sr. Dangui Oduber, y Minister Glenbert Croes tabata di bishita na Embassy Suites by Hilton.        Minister di Turismo y Salud Publico, Sr. Dangui Oduber, y Minister Glenbert Croes tabata di bishita na Embassy Suites by Hilton.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options