Recordatorio Forum virtual riba Social Economy and Social Entrepreneurship

Dit item is gearchiveerd op 03-12-2020.

ORANJESTAD – Departamento di Asuntonan Economico, Comercio y industria  ta recorda tur interesado cu riba diaranson 4 november, pa 9.00 a.m., Minister Xiomara Ruiz-Maduro hunto cu lo tene un webinar tocante Economia Social.

Ad Economia Social  E Webinar ta pa e companianan tradicional y social, como tambe e fundacionnan. E tema ta tocante e forma con e empresarionan social na Aruba y den otro regionnan a adapta na e pandemia di COVID-19 y a sigui genera actividad economico y empleo, manteniendo e componente social y medio ambiental den nan modelo di negoshi.

Pa e webinar aki, Minister Xiomara Ruiz-Maduro hunto cu e representantenan halto di Mayotte y Groenland lo ta esnan cu lo habri e forum virtual aki. Representante di Union Europeo, Sra. Ulla Engelmann, tambe lo tey presente y ta haci e webinar aki uno interesante pa Aruba su cooperacion cu Comision Europeo pa e companianan y empresarionan local cu ta incorpora e componente social y medio ambiental den nan modelo di negoshi.

Webinar Economia Social  E webinar lo trece e empresarionan Arubano hunto cu e empresarionan di otro LGO y UPG manera Groenland y Mayotte. Di un banda e participantenan lo scucha best practices di otro pa asina incorpora e componente social mas mihor den nan modelo di negoshi. Di otro banda esaki lo mustra comision Europeo, cu tambe lo participa, cu Aruba ta forma parti di un cooperacion serio cu otro LGO y UPG, pa asina probecha di recursonan di Union Europeo destina pa empresarionan social.

E presentadornan pa Aruba lo ta Sr. Rendell de Kort di Cornerstone Economics y Sra. Lucia White pa Happyponics Aruba.

E webinar cu e titulo, Covid-19: Social Economy, an opportunity to transform the Europe of the Sea, ta habri pa tur interesado den e tema, en especial e compania y fundacion cu kier conoce mas manera pa contribui na su comunidad den balansa cu e aspecto empresarial.

Pa registra por bishita e siguiente link:  https://docs.google.com/forms/d/e/1FAIpQLSeexcTdLqrRKfWN2MryYN1lzQTUy4zNjaRQ-IlhW3QAYpBmRw/viewform of por bay na e Facebook page di IDEA-Aruba of DEACI pa asina haya e link. Tambe por comunica cu Zulema Dabian-Erasmus riba z.erasmus@deaci.aw pa mas informacion.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options