Recordatorio exposicion Primary colors na biblioteca – color cora

E biaha aki e color cora ta domina den e coleccion di obra. Esaki ta un exposicion di un grupo di Artesano, Artista y fotografonan y ta tuma lugar den biblioteca su Sala di Exposicion for di dia 12 di oktober te cu 3 di november. Esaki ta habri henter dia pa publico pa 3 siman largo y entrada ta gratis. E grupo ta presenta diferente obra den color primario, cora. E coleccion di obra ta diverso den tipo di obra, tin cuadra, potret, arte digital, obra di mozaiek y scultura. E grupo di artista ta trece hunto un coleccion diferente, cada uno cu nan mes estilo autentico.

Un y tur ta bon bini!