HomeActualidadNoticiaRecordatorio campaña di vacunacion contra Influenza

Recordatorio campaña di vacunacion contra Influenza

Dit item is gearchiveerd op 13-12-2019.

ORANJESTAD - Departamento di Salud Publico ta informa campaña di vacunacion contra Influenza a cuminsa y ta haci un yamada na e grupo di risico pa pasa busca nan vacuna completamente gratis na un di e localidadnan cu mas ta combiniente

Manera Departamento di Salud Publico a anuncia anteriormente e vacuna di Influenza pa temporada 2019/2020 ta disponibel na seccion di Malesanan Infeccioso situa na Avicena straat# 1 Oranjestad.

Pa por brinda un miho servicio na e adulto mayor di 60 aña cu ta na risico y cu porta no tin transporte, nos seccion lo bay ta mas cerca di comunidad dunando vacuna na diferente localidad rond Aruba.

Aki bou ta sigui un lista di e diferente dia, orario y localidad unda nos enfermeronan lo bay ta aplicando e vacuna di influenza.

Campaña di vacunacion adulto mayor di 60 aña
Fecha: Luga: Orario:
Diamars MFA Noord 09:00 pa 11:00
Diahuebs IMSAN 09:00 pa 11:00
Diamars Centro Curason Sta Cruz dilanti WGK Sta. Cruz 09:00 pa 11:00
Diamars IMSAN 09:00 pa 11:00
Diaheubs FMA Savaneta 09:00 pa 11:00

Na e localidadnan aki lo vacuna personanan na risico cu presenta cu nan recept di doctor di cas y nan carnet di AZV. Adultonan mayor di 60 aña mester presenta solamente cu nan carnet di AZV valido. Na e postnan aki lo no ta posibel pa cumpra e vacuna.

Pa mas informacion por tuma contacto cu seccion di Malesanan Infeccioso di Departamento di Salud Publico na 5224200

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options