Reconocimento na mas di 80 empleado di Divi Resort riba nan aniversario

Esaki a sosode conhuntamente cu Director General di Divi & Tamarijn Sr. Marin Bijl. E tabata un anochi hopi ameno cu a tuma lugar den e ballroom di Alhambra. E trahadornan aki a cumpli nan aniversario den e tercer y cuatro kwartaal di aña 2021, pero debi na e situacion di COVID e reconocimento a cay un poco atrasa.

E 85 empleadonan aki ta traha den diferente area y diferente resort di Divi:

• 31 empleado a cumpli 5 aña di aniversario;
• 27 empleado a cumpli 10 aña di aniversario;
• 12 empleado a cumpli 15 aña di aniversario;
• 3 empleado a cumpli 20 aña di aniversario;
• 5 empleado a cumpli 25 aña di aniversario;
• 6 empleado a cumpli 35 aña di aniversario;
• 1 empleado a cumpli 40 aña di aniversario.

Divi Resort a habri su porta na Aruba den aña 1969 bou di e nomber Divi Aruba y awe tin 5 resort di Divi na Aruba. Hopi importante pa bisa ta cu 3 di e 5 resort nan aki ta di Timeshare. 

1. Divi Dutch Village Resort;
2. Divi Aruba Phoenix Beach Resort;
3. Divi Village Golf and Beach Resort;
4. Divi Aruba All Inclusive Resort;
5. Divi Tamarijn All inclusive Resort.

Minister Dangui Oduber ta felicita tur e empleadonan di Divi Resort pa nan contribucion na e sector turistico, brindando servicionan di calidad na nos bishitantenan.