Recientemente Monumentenbureau a haci entrega di proyecto di mantencion di Departamento Recurso Humano

ORANJESTAD -  Monumentenbureau ta anuncia cu e trabounan di mantencion di edificio Monumental di Departamento Recurso Humano (DRH) a finalisa.

E edificio aki ta conoci como ex-De Arend Petroleum Maatschappij y ex-oficina di turismo. Den presencia di Director di S&L Contractor N.V. sr. Larry Nedd y Director di Monumentenbureau, sra. Yvonne Webb-Kock a firma e procesverbaal pa cu e finalisacion di e proyecto.

Director di S&L Contractor N.V. sr. Larry Nedd y Director di Monumentenbureau, sra. Yvonne Webb-Kock ta firma e procesverbaal pa cu e finalisacion di e proyecto di mantencion di edifício di DRH. Edificio DRHPersonal di DRH a keda sumamente contento y gradicido con bunita e interior y exterior di e edificio a keda. Sigur cumpliendo cu e deseonan cu detayenan moderno y un ambiente agradabel.  Un proyecto cu a topa algun contra tiempo pero cu a termina cu un bunita resultado. Durante di trabounan a descubri un pida vloer historico cu a trece bek den su estado original.

Monumentenbureau ta gradici Gobierno di Aruba, Minister di Asuntonan general sra. Mr Evelyn Wever-Croes, Minister di Finansas, Economia y Cultura, sra. Xiomara Maduro y Departamento Recurso Humano pa e confiansa y e fondonan aloca pa realisa e proyecto di mantencion. Tambe ta gradici S&L Contractor N.V. subcontractor Aruba Climate Control N.V., personal di Monumentenbureau, DRH y tur esnan cu a haci e proyecto aki posibel, specialmente na e personal di DRH pa nan pasenshi.

Monumentenbureau ta sigui aporta na mantencion di nos Monumentonan.

Edificio DRH  Edificio DRH  Edificio DRH

   

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options