Rebaho den prijs di combustibel entrante 14 september 2022

ORANJESTAD - Riba 1 di september 2022, Minister di Asuntonan Economico, Comunicacion y Desaroyo Sostenibel, mr. Geoffrey Wever a anuncia cu entrante 14 di september, gasolin lo baha cu 25.2 cent (-8.6%), diesel   cu 8.5 cent (-3.1%), y kerosin   cu 9.7 cent (-3.8%).

Ya caba di luna pasa por a cuminsa mira e trend aki riba mercado internacional ora prijs pa bari di Diesel y Gasoline tambe a cuminsa baha.  Gobierno di Aruba ta spera cu e trend aki por continua, cual lo ta na beneficio di tur.

Mercado internacional a recupera for di e shock inicial di prijs causa pa e inicio di guera na Ukrania, pero ainda ta ser afecta  pa desaroyonan internacional.Ta premira un stabilisacion pa awo, mientrastanto Gobierno di Aruba lo sigui enfoca riba reduccion di dependencia internacional y desaroyo mas sostenibel posibel.

Rebaho den prijs di combustibel entrante 14 september 2022.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options