Lo ehecuta e proyecto den fase.
E prome fase ta encera gran parti di e preparacion di suelo “grondwerk”.
E trabounan ta encera:
- kita tur e yerbe bieuw/existente;
- hisa e muraya existente di e fontein cu dos careda di bloki;
- yena e tereno cu santo y gordura;
- mantene e matanan existente di Watapana, Guyaba y Fofoti Haag;
- kita otro matanan, transporta y re-planta den e seccion berde di e parkeerplaats di DOW;
- haci otro trabounan di mantencion na e banchinan y lo realoca e watermeter kast;
- construi un fundeshi pa un palo di bandera (vlaggenmast).
Lo haci e trabounan di e prome fase den periodo di augustus pa december 2022.
E segundo fase ta encera pone tuberia di irigacion y su sistema di pomp, instalacion di coriente y ponemento di klinkers. E segundo fase lo continua den 2023.
E di tres fase ta encera:
- planta algun matanan local como tambe matanan hopi gusta y uza den nos hofinan;
- instala luznan decorativo permanente;
- caba di instala e systema di irigacion;
- instala e palo di bandera;
- baha e haltura di fofoti pa tin un mihor bista riba e embeyecemento.
Fase 3 ta proyecta pa 2023/2024. E escogencia pa vegetacion ta pa planta mata nan local di color parti pafor di e ex-fontein y den e ex-fontein lo focus riba e matanan protehi di Aruba. Pa escogencia di e matanan protehi a consulta cu stichting ‘Ban Lanta y Planta’.
E di cuatro fase ta encera pone obranan di arte riba e rotonde. Fase 4 ta proyecta pa 2024 en adelante. E obranan di arte proyecta lo mester refleha elementonan di nos cultura (p.e. idioma, musica, custumber/tradicion, historia, etc).
E prome y segundo fase di e trabou ta encera mas e parti di preparacion di e rotonde pa pone un embeyecemento y no lo weita e bunitesa ainda. Den fase tres y cuatro si ta bay weita e embeyecemento.
Manera a menciona cu e proyecto a start 17 di augustus 2022 y ta proyecta cu fase 1 pa caba memey di december 2022.
Share this page