Rapport di investigacion ”Ondernemings- en investeringsklimaat Aruba” presenta na Parlamento

Riba 15 di februari 2022 durante un conferencia di prensa, e mandatario a haci e rapport aki publico.  

Economisch Bureau Amsterdam a redacta e rapport di investigacion ”Ondernemings- en investeringsklimaat Aruba” y e ta forma e base di e trayecto di implementacion di e tema E: Reforma Economico di e Landspakket, cu e punto specifico E6.

Lo ehecuta e reforma economico pa mehora e clima empresarial y di inversion, den cuater proyecto di prioridad cu lo mehora substancialmente e clima empresarial y di inversion.

E cuater proyectonan cu tin prioridad ta:

1. Acelera y mehora e decisionnan pa otorga permiso;
2. One-stop shop digital - Un sistema di permiso coherente for di un solo loket;
3. Implementacion di Aruba Fair Trade Authority;
4. Habri un cuenta bancario na un forma eficiente.

E cuater proyectonan ta e condicionnan esencial unda ta pone y reforsa e base pa fomenta desaroyo economico di Aruba.