E fabula aki ta trata di un pushi preto cu den temporada di carnaval ta namora di un mucha homber cu ta riba un carosa disfrasa na pushi angora. E pushi ta pertenece na e heks di Kudawecha, Hubladuba. E pushi Metaki despues, no kier come, ni sali for di cas. E ta locamente namora di su pushi angora. Hubladuba ta stima su pushi Metaki masha hopi mes.
Con por yud’e? Hubladuba ta purba tur receta bieu cu el a haya den un cashi na su cas. Si e logra Metaki lo regresa cas? Hubladuba lo perde su pushi? Kico e otro heksnan lo pensa di e curason moli di Hubladuba? Nan lo straf e? E fabula aki ta bisa bo un cos: Semper lo bo keda ken bo ta.
Desiree Correa a skirbi hopi buki y algun cu e la publica ta Elefina Elefante, Mosa’s eiland, Un nomber pa e prinses, Festimucha, Compa Nanzi, Domi di den Mondi, Drumi dushi, Manuel, Buchi Beer, Pepe Picuda, Randy & Rodney Nier, Doño di curpa, Den kibra di madruga, Drama Real.
Sra. Britten a gradici sra. Desiree Correa pa su contribucion un bes mas na Aruba su literatura hubenil y ta invita un y tur pa explora e coleccion grandi di storia y buki obtenibel na Biblioteca Nacional. Banda di buki, biblioteca ta ofrece un coleccion di Ebooks y Audiobooks, tin espacio pa traha riba computer, busca informacion riba Internet y tin WIFI gratis. Mucha y hoben ta bon bini pa traha riba tarea di scol sea individual of den grupo.
Ademas Biblioteca Nacional ta informa cu miembrecia pa tur mucha y hoben bao 18 aña ta gratis. Pa registra como miembro mester presenta cu un ID valido.
Share this page