Prueba di Naturalisacion (Naturalisatietoets) pa aña 2021

ORANJESTAD - Departamento di Enseñansa Aruba (DEA), seccion Examenbureau, ta informa cu inscripcion  pa e Prueba di Naturalisacion (Naturalisatietoets) pa aña 2021 lo tuma luga na luna di  augustus. 

Normalmente e Prueba di Naturalisacion ta tuma luga dos biaha pa aña. E prome ronda di  inscripcion ta tuma luga na luna di Januari, mientras cu e di dos ronda ta tuma luga na luna di  Augustus. 

Ad Prueba di naturalisacionNa aña 2020 y 2021 sinembargo, pa motibo di e situacion di crisis di COVID-19, tin un solo  ronda di inscripcion cual lo tuma luga na luna di augustus. 

Na momento cu e fecha exacto ta conoci, esaki lo keda publica den medionan di comunicacion y riba nos website www.ea.aw. 

Prueba: 

E Prueba di Naturalisacion desde 1 di januari 2011 ta consisti di un (1) componente di  conocemento di nos comunidad y structura estatal, cuater (4) componente di idioma  Papiamento y cuater (4) componente di idioma Hulandes. Departamento di Enseñansa Aruba  pa medio di su Examenbureau ta encarga specificamente cu e Prueba di Naturalisacion y no  tin ningun participacion den henter e proceso di naturalisacion. 

E proceso di Naturalisacion ta na encargo di Gabinete di Gobernador di Aruba. 

Por haya mas informacion riba e siguiente link:  https://www.ea.aw/pages/naturalisatietoets/

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options