Proyecto Digital Travel Credentials (DTC) di SITA

ORANJESTAD – Riba 12 di juli 2022, Minister di Turismo y Salud Publico sr. Dangui Oduber a tene un reunion hopi exitoso cu e president di SITA di Americas.

Gobierno di Aruba ta sigui traha pa yega na un acuerdo den un colaboracion nobo cu SITA caminda ta sigui traha riba e mehoracion di e experencia di nos biaheronan.

Minister di Turismo y Salud Publico sr. Dangui Oduber y representantenan SITA di Americas.Den pasado durante e pandemia ya caba a traha di cerca cu SITA pa locual ta trata e credencialnan di salud. Awor ta trahando riba un otro proyecto cu ta yama Digital Travel Credentials (DTC), e credentialnan aki ta pa simplifica henter e proceso cu e biahero ta pasa aden, e verificacion aprobacion. Tur hende ta buscando pa biaha na mes manera bek prome cu e pandemia, na un manera simpel y placentero.

SITA ta un compania multinacional di tecnologia di informacion cu ta duna servicio di IT y telecomunicacion na e industria aereo. E compania ta duna servicio na mas o menos 400 miembro y 2,800 cliente rond mundo. Nan ta atende un 90% di e mundo di aviacion. Pa hopi aña SITA tin un hopi bon relacion di trabou cu Aruba Airport Authority.

E proyecto di DTC ta uno hopi innovativo y interesante cu lo percura pa e biahero por biaha atrobe sin ningun tipo di preocupacion. Na momento cu turista Mericano check-in y haci su pre-screening na Merca, e ta yega Aruba y pasa imigracion nan na un manera hopi facil y eficiente.

Minister Oduber ta hopi contento di con e reunion a bay caminda por a hiba un bon combersacion cu e representantenan di SITA y e president di Americas. Nan por a intercambia pensamento y comparti informacion, y di e importancia di e proyecto di DTC ta pa Aruba.

Cu e apoyo di SITA, Aruba lo por ricibi turista nan man habri y na mes momento sigurando e seguridad di nos hendenan y tambe reduci e contagio di Covid-19.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options