Proyecto di embeyecimento di e anker na Cas Ariba a cuminsa

E anker na Cas Ariba a wordo coloca eynan pa famia Varis na aña 1996.   E crusada di Cas Ariba ta un caminda cu ta wordo hopi trafica pa e turistanan cu ta bay direccion pa Parke Nacional Arikok.

P’esey según Miister Oduber embeyecimento di e anker ta na su lugar como cu esaki lo crea un otro atraccion pa nos bishitantenan, un caminda cu nan lo por tuma potretnan y subi esakinan riba plataformanan social.

Den e prome fase di proyecto aki lo bay realoca e anker, y lo spuit e color di oro y tambe lo bay pone e anker riba un plataforma di 1 meter halto pa haci esaki mas visibel. Den e prome fase lo bay traha un plaza chikito cu lo keda bunita haciendo esaki un atraccion pa nos turistanan ora esaki keda cla. E proyecto aki ya caba a cuminsa y si tur cos cana segun plan lo entreg’e den 2 siman.

E proyecto aki ta keda financia pa Aruba Tourism Authority (ATA) conhuntamente cu Tourism Product Enhancement Fund (TPEF).