Manera ta conoci a aproba fase 1 di e proyecto aki, caminda SETAR lo bay instala bastante camera den area di Hotel. Un di metanan ta pa amplia e cantidad aki, pa cual motibo e comision hunto cu Minister di Husticia y Asuntonan Social Sr. Rocco Tjon lo reuni den november, cu diferente stakeholders di sector priva y semi publico asina pa amplia esaki y asina garantisa cu por percura pa cameranan pa cu infrastructura vital y diferente areanan publico.
Trabounan preparatorio ta den pleno ehecucion, pa instala e cameranan pa asinapor cuminsa na januari 2023. Banda di esaki, ta papia tambe di un "smart city concept”, caminda diferente sectornan lo traha hunto, lo tin cameranan cu inteligencia artifical pa facilita e trabou, y imagennan cu por wordo comparti cu Agentenan Policial atraves di e "mobile data terminals", cual lo keda inaugura na november.
Segun Minister Tjon, lo bay tin un ekipo multidisciplinario dedica na esaki so, cu lo consisti di empleadonan civil y ehecutivo. Pues, asina lo garantisa cu por monitoria e imagennan constantemente. E personal lo traha den un “command center”, cual na prome instante lo ta ubica na Cuerpo Policial, pero despues lo haya nan propio luga na un "remote location".
Por ultimo, na november e reunionnan lo continua como tambe preparacion pa amplia e cantidad di camara.
Share this page