Proyecto di boardwalk Malmok ta den su fase final

E prome fase a inicia na februari di aña 2019 y awor e segundo fase ta casi cla pa entrega. E proyecto aki tabata uno necesario pa  upgrading  e “high rise” area.

Boardwalk Malmok ta un proyecto hopi frecuenta pa esnan cu ta haci ehercicio den un area bunita y sigur.

E boardwalk Malmok ta di e crusada pa bay Arashi te cu e area di Fisherman hut. E prome fase di e proyecto a consisti di 240 meter di “hard hout” y a haci uzo di klinkers tambe. A pone palonan cu reflectors cu ta separa trafico di peatonnan pa trece e seguridad necesario y a crea areanan di parkeo.

Durante e ultimo fase aki a construi den e area di peaton, un vloer di concreet sigui pa un vloer di klinker cu kolomnan, a pone mas iluminacion y a construi un boardwalk na haltura di e Fisherman hut. Tambe na e draaikom na haltura di Fisherman hut a construi un plateau di trafico cu lo conecta cu e caminda di Malmok.