Proyecto Boardwalk Malmok lo continua cu su fase 3 den 2022

ORANJESTAD – Ministerio di Turismo y Salud Publico ta informa cu pa aña 2022 e proyecto Boardwalk Malmok lo continua cu su fase 3 den 2022.

E proyecto di Boardwalk Malmok no ta uno desconoci, e proyecto aki a conoce su fase 1 y tambe su fase 2. Nos localnan y tambe nos bishitantenan ta uza e boardwalk hopi. E la trece seguridad na tur esnan cu ta haci uzo di dje y a embeyese e area aki. Segun e planificacion cu tin haci entre Ministerio, ATA, Tourism Product Enhancement Fund  (TPEF), DOW y DIP, na comienso di e aña aki lo bay cuminsa cu e fase 3 di e proyecto di Boardwalk Malmok.

Den e fase 3 lo bay enfoca riba e embeyecimento di e proyecto den su totalidad. Lo bay planta mas palma y flornan colorido. Tambe lo bay construi mas area di parkeo cu mester pas cu e parti naturalesa. Ta importante pa menciona cu tur proyecto cu lo bay realisa ta planifica a base di e “Sustainable Development Goals” di Nacionnan Uni.

Banda di e proyecto aki tin mucho mas proyecto pa aña 2022. Turismo ta keda e motor principal di nos economia.

     Malmok Boardwalk fase 3       Malmok Boardwalk fase 3

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options