Esaki ya pa hopi tempo caba no ta den funcion, pa cual motibo hunto cu DOW y Monumentenbureau ta planificando for di basta tempo caba pa renoba y restaura ful e edificio pa asina e por ta den funcion bek.
Ta asina cu e reunionnan preparatorio entre Ministerio di Husticia y Asuntonan Social, DOW y Monumentbureau a tuma luga, y asina a bishita e edificio, pa asina wak mas cerca kico e situacion actual ta. For di Ministerio a percura pa presupuesta e proyecto aki, pa asina posibel por haci e renobacion necesario. E trabounan preparatorio ta bay inicia pronto. Primeramente lo haci un opname, y consecuentemente lo bay percura pa un destaho publico, pa e trabounan por inicia.
Segun e planificacion actual, esaki ta indica cu despues di e destaho publico, e trabounan pa loke ta e restauracion mes lo por tin un duracion di alrededor di seis luna. Pues, cu e presupuesto aki, dentro di poco Savaneta lo por tin un edificio restaura, bunita y operacional caminda lo bay ubica un departamento di husticia y asuntonan social.
E mandatario a expresa di ta sumamente satisfecho cu e planificacionnan segun DOW y Monumentenbureau, pa loke ta e restauracion di e edificio aki, cual ta un paso padilanti pa loke ta desaroyonan pa e cadena hudicial.
Share this page