HomeActualidadNoticiaPromocion Frank Plomp pa Kapitein der Mariniers comienso di trabao nobo como Adjudant di Gobernador di Aruba

Promocion Frank Plomp pa Kapitein der Mariniers comienso di trabao nobo como Adjudant di Gobernador di Aruba

Dit item is gearchiveerd op 27-02-2022.

ORANJESTAD - Riba diaranson 26 di januari 2022 Gobernador di Aruba, S.E. Alfonso Boekhoudt, y e Comandante di Marinierskazerne Savaneta, LTKOLMARNS Art van Beekhuizen, a promove Luitenant der Mariniers Frank Plomp pa Kapitein der Mariniers.

Comandante di Marinierskazerne Savaneta, LTKOLMARNS Art van Beekhuizen, Kapitein der Mariniers Frank Plomp y Gobernador di Aruba y S.E. Alfonso Boekhoudt.E promocion a tuma luga na Cas Ceremonial di Gobernador. E promocion di Kapitein der Mariniers Plomp ta coincidi cu e comienso di su funcion nobo como Adjudant di Gobernador di Aruba. Cu esaki e ta reemplasa Kapitein der Mariniers di Aruba, Mike Ligtvoet. Kapitein der Mariniers Plomp a cuminsa su carera na 1987 como Marinier 1 Algemeen. Su carera ta caracterisa pa varios posicion, como tambe mision operativo den exterior.

Ultimo añanan Frank Plomp a traha como Hoofd Opleidingseenheid na Mariniers Opleidingscentrum Rotterdam y e tawata envolvi den desaroyo di e Marinierskazerne nobo na Nieuw-Millingen. Tambe e tin algun aña di experencia cu Aruba, como cu durante di e periodo di 2011 te cu 2015 el a traha na Marinierskazerne Savaneta.

Potret: © Kabinet Gouverneur Aruba

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options