Prome piedra construccion di MFA Santa Cruz

E edificio ta diseña pa e arkitecto Arubiano Gisbertho Figaroa, mientras cu e trabou di construccion ta bou encargo di compania local BIC Aruba N.V. bou supervision di funcionario Michael Croes di Departamento di Obranan Publico (DOW). Un bes cla, e operacion diario lo ta bou guia di Gerente General Fernando ‘Nando’ Kelly y Assistent di Gerente General, Andres ‘Modechi’ Werleman.

Construccion  ta bay tin un duracion aproxima di 12 luna pa cubri 1.100 meter cuadra. E edificio di dos piso ta conta cu un lift, mescos cu ta e caso na Paradera y Santa Cruz, a tene cuenta cu tur aspecto pa facilita acceso na esnan cu un limitacion fisico.

Diferente na e MFAnan construi anteriormente, e parkeerplaats di MFA Santa Cruz ta na e parti dilanti di e edificio.

Ademas di sede di Oficina Auxiliar di Gobierno, e MFA lo tin bou di su dak un sucursal di Servicio di Impuesto, sala di curso/reunion, Bibliotheek y Cafetaria.

Meta di e MFA ta pa trece e servicio di gobierno mas cerca di pueblo di Santa Cruz

E MFA lo ta habri den oranan di anochi pa organisacionnan den bario como por ehempel organisacionnan educativo, organisacionnan social, gruponan di misa.