Prome Minister Evelyn Wever-Croes, Minister Ursell Arends y Minister Endy Croes a ricibi e booster

ORANJESTAD - Diahuebs 13 di januari atardi, Prome Minister Evelyn Wever-Croes hunto cu su coleganan Minister, Ursell Arends y Endy Croes, a ricibi e booster.

Esaki a tuma luga na San Nicolas den e unidad mobiel, Operation Mobile Unit (Trailer).

Prome Minister Evelyn Wever-Croes ta ricibi e booster vacuna. Vacuna y e booster awo ta disponibel a traves di e unidad mobiel na IMSAN na San Nicolas. E proposito di e unidad mobiel aki ta pa brinda servicio na esnan di San Nicolas y bisindario y tambe pa bishita diferente bario di nos isla pa asina yega mas cerca di esnan cu kier vacuna sea cu e prome, di dos of e booster si nan ta bin na remarke.

Prome Minister Evelyn Wever-Croes hunto cu su coleganan Minister, Ursell Arends y Endy Croes, a ricibi e booster na e trailer di BRA. Prome Minister na e osacion a anuncia cu entrante diabierna 14 di januari, e booster ta disponibel pa tur esnan riba 18 aña. Esaki solamente na Centro Libertador Betico Croes na Sta.Cruz.

Trailer Bureau RampenbestrijdingProme Minister a indica cu a haya peticion pa algun mucha bou di 18 aña tambe haya e booster. Esaki ainda no ta permiti basa riba e reglanan di Hulanda cu ta esunnan cu ta suministra e vacunanan na Aruba.

Pero si a pidi excepcion pa muchanan cu tin mester di dje pa motibo di salud. Mientras ta wardando pa aprobacion pa vacuna cu e booster e muchanan aki di 12 aña bay ariba cu tin un condicion medico.

Prome Minister ta haci un yamada na tur cu tin vacuna y booster ainda, cu ta riba 18 aña, pa haci esaki pa asina tur ta vacuna di berdad contra di Covid.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options