Prome Minister a reuni cu tur representante di Veiligheidshuis na Ministerio Publico

ORANJESTAD - Diahuebs 27 di juni mainta, Prome Minister Evelyn Wever-Croes hunto cu Minister di Husticia Andin Bikker tabata tin un reunion na Ministerio Publico riba e tema di Veiligheidshuis Aruba.

Prome Minister di Aruba, Sra. Evelyn Wever-Croes y minister di Husticia, Seguridad y Integracion Sr.. Andin Bikker durante bishita na Veiligheidshuis.Veiligheidshuis Aruba ta un plataforma di cooperacion entre diferente instancia na Aruba den e ambito penal y cuido y nan ta bin hunto cada dos siman na unda nan ta trata casonan individual. Diahuebs tabata un dia importante pasobra nan a presenta e relato anual di aña 2020.

A introduci Veiligheidshuis 3 aña pasa como e plataforma pa atende casonan di problema social hopi extremo manera hendenan den categoria di riesgo, hendenan cu ta comete delito tras di otro, hendenan cu problemanan mental cu mester di atencion, tambe esnan cu ta bira victima y e abusadornan den caso di violencia domestico. A constata cu hopi hende grandi ta birando victima di abuso.  

Reunion Prome Minister di Aruba, Sra. Evelyn Wever-Croes y minister di Husticia, Seguridad y Integracion Sr.. Andin Bikker cu e partnersnan di Veiligheidshuis.E departamentonan cu ta consisti di: Bureau Leerplicht, Bureau Sostenemi, KIA, Directie Sociale Zaken, Directie Voogdijraad, Fundacion Guia Mi, Wit Gele Kruis, FMAA, Respaldo, Bureau Slachtofferhulp, KPA, Openbare Ministerie, Stichting Reclasering en Jeugdbescherming Aruba, Sociaal Psychiatrische Dienst, y FCCA. E reunion di diahuebs mainta a tuma luga hunto cu e representantenan di e institucionnan aki caminda nan a presenta e relato anual y kico tur e tareanan cu nan a haci na aña 2020. Un aña cu hopi reto paosbra tabata aña di pandemia pero asina mes nan a atende 112 caso individual di personanan den e categorianan menciona.

Reunion Prome Minister di Aruba, Sra. Evelyn Wever-Croes y minister di Husticia, Seguridad y Integracion Sr.. Andin Bikker cu e partnersnan di Veiligheidshuis.E meta di Veiligheidshuis especialmente ta pa yuda muchanan cu ta haya nan mes den problema pa nan atende esaki di chikito pa asina na adulto e por ta exitoso.

Un informacion hopi tristo cu a wordo comparti ta cu e edad di adiccion entre e muchanan ta bahando te na 11 aña caba. Tambe e problema di muchanan na scolnan basico cu ta bende droga na scol ta problemanan hopi serio. E temanan mental tambe a worde atendi como tambe e wachtlijst largo cu tin especialmente durante pandemia. Tambe a atende e tema di hobennan cu ta bira malo especialmente e indocumentadonan y con pa atende cu esey.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options