Prome minister a participa na presentacion di wega di SDG

E wega di mesa SDG cu ta siña muchanan tocante e 17 Metanan di Desaroyo Sostenibel cu Nacionnan Uni a stipula pa 2030 pa crea un miho mundo.
Prome Minister Evelyn Wever-Croes a participa na e presentacion duna na alumnonan di klas 6 di St. Aloysius School.

FUTURA ta encarga cu ehecuta e plan di innovacion di Gobierno pa desaroya un futuro di Aruba ancra den innovacion cu e ser humano central. Desde su existencia, FUTURA a lansa diferente proyecto y iniciativa riba e area di innovacion na diferente scol y luganan pa duna muchanan mas conocemento den e area di innovacion incluyendo e Metanan di Desaroyo Sostenibel.

4 aña pasa, e Asamblea General a stipula un agenda 2030 pa transforma nos mundo. Esaki despues cu a realisa cu progreso den un pais mester bay man den man cu bienestar di e ciudadano.  E meta final: inclusion, caminda ta laga ningun hende atras. Pa sigura exito di e SDGs pa Aruba, nos mester inclui nos muchanan. Cuminsa na scolnan pa introduci SDGs na nos generacion cu lo dirigi nos mundo den futuro cu innovacion y nan ta esnan cu pa 2030 mester ta miho para tambe den conocimento di e Metanan di Desaroyo Sostenibel.

Tanto muchanan como e docentenan di e scolnan a gusta epresentacion di e wega di SDG. Door di FUTURA.