Prome minister a firma terminacion di contract cu Citgo

Dit item is gearchiveerd op 04-06-2020.

ORANJESTAD – Prome Minister Evelyn Wever-Croes a anuncia cu a firma terminacion di contract cu Citgo door di Pais Aruba y Refineria di Aruba (RdA) y cu Citgo lo bay definitivamente.

Citgo tin cu paga e debenan di belasting di 30 miyon florin denter di 5 luna y desde 1 mei e refineria, e tankinan y e waf ta den man di Pais Aruba.

Prome Minister a duna di conoce cu e negociacion a dura algo mas cu un aña.

E la cuminsa ora cu tabata obvio cu Citgo lo no cumpli cu e palabracionnan manera stipula den e contract. Un contract unda e ex abogadonan como tambe e abogadonan nobo di RdA a indica cu Pais Aruba no por termina e contracto riba su mes. Esaki ta debi  cu e sancionnan cu Merca a impone riba Venezuela door di Pais Aruba (gobierno anterior) a keda defini como forcé majeure den e contract. Esaki ta nifica cu e unico manera pa sali for di e contract ta door di negocia cu Citgo.

Awor ta asina leu cu e negociacionnan ta tras di lomba. Riba 30 di april ultimo, Prome Minister y Minister di Finansa y Minister di Infrastructura a firma e acuerdo.

FUTURO

E futuro ta mustra bon, Tin hopi interes den e tankinan y RdA por bay na verhuur e tankinan y asina por genera entrada di entre 4 pa 5 miyon di florin pa luna.

Pa loke ta trata futuro di e refineria lo fiha esaki pa medio di “tendering” publico. E proceso lo cuminsa denter di poco y lo tuma luga na un forma transparente.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options