Prome lote di vacuna Pfizer transporta pa Aruba

ORAJESTAD - Awe mainta na Schiphol Amsterdam, Secretario di Estado di Volksgezondheid, Welzijn en Sport Sr. Paul Blokhuis conhuntamente cu president directeur di KLM Sr. Pieter Elbers a presencia con a ponee vacunanan Pfizer pa Aruba riba KLM cla pa transporta pa Aruba y Bonaire. 

Ta trata aki di un cantidad di 11.700 dosies pa cuminsa vacuna nos comunidad.

Vuelo di KLM na Aruba y Bonaire cu e prome lote di vacuna COVID-19.Vuelo di KLM na Aruba y Bonaire cu e prome lote di vacuna COVID-19.Cuminsando dia 17 di februari te cu dia 21 di februari 2021 manera a wordo informa lo ta vacunando esnan cu ta traha of ta duna cuido. Aki ta referi na entre otro empleadonan di Hospital, IMSAN, DVG, Dokter di cas, Specialisa, Enfermero(a) Personal di casnan di cuido, dentista, fisioterapista y demas trahandonan den cuido.

Entrante 22 di februari 2021 lo cuminsa vacuna nos comunidad di 60+ cu condicionan di salud delicado. Nos adulto mayor cu ta den casnan di cuido lo haya bishita di un team especial cu lo vacuna na e casnan di cuido, pashentnan drumi na cama (bedlegerig) famia por haci e peticion cerca dokter di cas pa e team mobil por pasa na cas y vacuna e persona. E servicio aki ta unicamente pa pashent drumi na cama.

Vuelo di KLM na Aruba y Bonaire cu e prome lote di vacuna COVID-19.Vuelo di KLM na Aruba y Bonaire cu e prome lote di vacuna COVID-19.E prome dos localidadnan cu lo habri pa cuminsa cu e vacunacion ta Centro Libertador Betico Croes na Santa Cruz y Santa Theresita Center na San Nicolas. E localidad na Santa Cruz a wordo diseña specialmente pa por brinda servicio special na nos adulto mayor, di manera cu nan no mester para hopi largo riba nan pianan. Unabes cu yega na e localidad nos grandinan lo por sinta y tur servicio lo yega cerca nan na nan stoel. Pa esnan cu ta den rolstoel lo no tin problema tampoco.

E dia ta yegando, si ainda bo persona no a registra haci esaki ainda door di download e Aruba Heath App of pasa na cualkier edificio di MFA sea cu ta Savaneta, Santa Cruz, Paradera of Noord pa asistencia cu registracion. E siman cu ta sigui lo keda duna mas informacion riba e planificacion di e vacunanan. Aruba ban vacuna, esaki ta e solucion pa por sali for di e pandemia aki.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options