Prolongacion entrega formulario Registro di Personal 2019-2020 te cu 31 juni 2020

Dit item is gearchiveerd op 29-06-2020.

ORANJESTAD – Departamento di Labor (DAO) informa cu a prolonga e fecha pa entrega registro di personal te cu 30 juni 2020.

Segun articulo 30 di Ley di Labor 2013 (Arbeidsverordening 2013) e dunado di trabou ta obliga di entrega e registro di personal na Departamento di Labor (DAO).

E registro di personal ta consisti di tres parti:

  • Modelo 1A e personal actual manera registra na december 2019;
  • Modelo 1B e necesidad pa personal pa 2020 
  • Modelo 1B y e necesidad di personal pa cada proyecto specifico den 2020

Adhunto por haya e formulario necesario.

DAO ta haci un peticion pa hinca e datonan den e formulario digital, segun e modelo stipula pa ley  y manda nos esaki na e e-mail adres arbeidsmarktaruba@gmail.com.

Registro di PersonalDen caso cu bo compania tin un of mas sucursal/ filiaal, DAO ta haci un peticion pa yena e Registro di Personal no solamente pa e oficina principal (hoofdvestiging) (p.e. kvk-nummer 5555.0), pero tambe pa cada sucursal/ filiaal (p.e. kvk-nummer 5555.1, 5555.2 etc.).  Tambe ta pidi pa indica cua trahado ta rouleer door di pone un strea (*) den kolom patras di e kolom “No.” ariba e formulario digital.

DAO a informa cu ta obligatorio pa yena tur 3 modelo. Den caso cu no tin necesidad pa personal of necesidad pa personal pa cada proyecto specifico pa 2020, ta yena nihil ariba modelo 1B y modelo 1C.

DAO lo manda bo via un e-mail un comprobante cu a ricibi bo formulario di Registro di Personal 2018-2019. Tene cuenta c’e comprobante di entrega no ta implica aprobacion d’e Registro di Personal 2018-2019. DAO lo duna durante aña 2019 aprobacion of desaprobacion d’e Registro di Personal 2018-2019.

Door di e situation di COVID-19, e periodo di entrega di Registro di Personal 2019-2020 pa tur empresa na Aruba ta wordo prolonga un biaha mas pa tur empresa na Aruba te cu 30 juni 2020

Companíanan cu no ta cumpli cu entrega di e Registro di Personal den e periodo menciona como tambe esnan cu no a entrega esaki e aña anterior ta den incumplimento cu articulo 30 di e Ordenansa Laboral 2013. DAO lo bay over pa tuma accion contra esakinan después di e fecha di 30 juni 2020. Tene bon na cuenta cu den caso cu un Registro di Personal no ta corectamente yena y DAO a comunica esaki na e companía pero e companía no a adapta e Registro di Personal, tambe ta wordo considera cu e companía ta den incumplimento.

Pa companíanan cu ta haci uzo di un intermediario (p.e. accountings- of adviesbureau) DAO kier recorda cu cumplimento di nos leynan laboral ta un obligacion di e dunado di trabou y no di e intermediario.

Si tin mas pregunta tocante e Registro di Personal por tuma contacto cu un funcionario di Bureau Arbeidsmarktonderzoek na 5237720 of manda un email na louisetty.croes@aruba.gov.aw of dao.arbeidsmarktaruba@gmail.com y nos lo communica cu bo.  

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options