Programa RESEMBID ta importante pa desaroyo di Aruba

ORANJESTAD - RESEMBID Programme, e di 11 programa regional di Union Europeo, tin como meta apoya esfuersonan di 12 isla den Caribe entre otro Aruba riba areanan di capacidad di adaptacion, energia sostenibel y biodiversidad marino. Aruba como pais autonomo den reino Hulandes.

Como un “Landen en Gebieden Overzee” (LGO) ta bin na remarca cada 7 aña pa fondonan di Union Europeo.

Minister di Asunto Economico, Comunicacion y Desaroyo Sostenibel, mr. Geoffrey Wever.Union Europeo a asigna 40 miyon di euro via e di 11 Fondo Regional di Desaroyo Europeo pa financiamento di e programa RESEMBID. Expertise France, un agencia Frances pa cooperacion internacional ta encarga cu maneho di RESEMBID y ta coordina preparacion y ehecucion di proyectonan hunto cu e 12 islanan LGO den Caribe. Di e 40 miyon euro asigna, a aproba un total di 27 miyon euro pa proyectonan pa e islanan. Pa estudionan di Banco Mundial a aloca 3 miyon entre cual a realisa e estudio Building Aruba’s Food Security During the Covid-19 Pandemic and Beyond na 2020 pa Aruba. Resto di e fondonan ta aloca na supervision y maneho di e programa door di Expertise France. Ehecucion di e proyectonan a conoce un retraso pa motibo di e pandemia pero lo continua den e lunanan nos dilanti. Te cu awo tin 14% di e fondonan total gasta y ta spera cu lo asigna tur fondo na e islanan prome cu fin di 2023.

Pa loke ta trata e proyectonan di Aruba, a aproba 5 proyecto den e prome fase y pa 4 proyecto cu a entrega, ta pendiente decision. Aruba lo bay ricibi financiamento pa e siguiente proyectonan:

  • Aruba’s Public safety and Multi-hazard Early Warning System  Area: Capacidad di adaptacion
  • Support for the National Energy Policy 2020 – 2030: stimulating energy efficiency and electric mobility. Area: Energia Sostenibel
  • Public sector energy cost savings programme: improving financial resilience and reducing carbon footprint. Area: Energia Sostenibel;
  • Validation of low-cost replicable citizen science methods to monitor shallow marine ecosystems on small islands. Area: Biodiversidad marino
  • Fostering connectivity to self to achieve deeper connectivity with nature: an awareness progra

Logo RESEMBIDE suma total cu Aruba lo ricibi te awor pa e proyectonan menciona ta 1.8 miyon Euro.

Como pais autonomo den Reino Hulandes ta importante nos entrega e proyectonan pa asina bin na remarca pa fondonan Europeo disponibel segun Minister di Asuntonan Economico, Comunicacion y Desaroyo Sostenibel, mr. Geoffrey Wever, cu alabes ta Territorial Authorizing Officer for the EDF pa Aruba. E “Territorial Authorizing Officer” ta responsabel pa e planificacion, coordinacion  y implementacion di proyectonan financia pa e Fondo di Fesaroyo Europeo (EDF). Un programa manera RESEMBID ta importante pa desaroyo di nos pais.

Pa mas informacion tocante RESEMBID, por consulta e website. Tambe por tuma contacto pa mas informacion cu Departamento di Asuntonan Economico, Comercio y Industria.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options