Programa informativo tocante 1 aña di Landspakket

ORANJESTAD - Riba dialuna 15 di november den un programa special na television Gobierno ta brinda informacion tocante 1 aña di landspakket

Dia 13 di november 2020 Gobierno di Aruba a firma un acuerdo cu Hulanda riba e asina yama Landspakket.

Den cuadro di e contenido di esaki, Gobierno di Aruba lo presenta un programa informativo awe, dialuna 15 di november 2021 a traves di nos plantanan di television Tele Aruba y Canal 22.

Riba dialuna 15 di november den un programa special na television Gobierno ta brinda informacion tocante 1 aña di landspakket.Den e documentario lo refleha bek riba e tempo cu a firma e acuerdo, unda nos ta para awor, y kico nos por spera pa futuro. Lo elebora riba e efecto y consecuencianan den cuadro di COVID-19 y e condicionnan cu Gobierno di Aruba a implementa pa garantisa salud publico.

Prome Minister Evelyn Wever-Croes lo splica tocante e negociacionnan cu Hulanda, mientras cu tabata maneha e crisis, recuperacion, turismo y mas. Minister Xiomara Maduro lo elabora tocante e consecuencianan economico y financiero y Minister Glenbert Croes lo amplia riba e tema di FASE y diferente ayudo cu Gobierno a brinda comunidad.Señor Edwin Jacobs di SVB lo splica tocante e loonsubsidie y e hecho cu a yuda miles di hende cu a perde trabou y señora Ronella Croes di ATA lo trata e tema di pronostico pa turismo y recuperacion di e sector turistico.

Prome Minister den nomber di Gobierno di Aruba ta invita henter pueblo di Aruba pa sintonisa e programa special aki awe, dialuna 15 di november na TeleAruba pa 7:00 pm y na Canal 22 pa 8:35 pm.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options