Actualmente tin un grupo participando activamente bou di guia di profesionalnan cu lo terminando fin di februari 2023. E programa aki ta cuadra cu e plan nacional di prevencion di malesanan no transmisibel (NCD’s).
JUMP18 ta consisti di un grupo di hoben Arubano cu ta profesionalnan medico, cu bao guia di un pediatra a desaroya un iniciativa pa empodera muchanan y nan mayornan pa mehora nan salud y bienestar. JUMP18 su meta ta pa yuda mayornan y muchanan biba un bida mas saludabel por medio di educacion, ehercisio y retando nan percepcionnan limita.
Por medio di e proceso aki, e acceso ta wordo crea pa mayornan y nan muchanan bolbe descubri nan balor berdadero hunto cu un conocemento mas profundo den loke ta nutricion y salud.
JUMP18 a cuminsa 14 di september di aña 2021 cu e meta pa haci un diferencia pa otronan, duna inspiracion y motivacion. Di e manera aki crea oportunidadnan nobo pa tur cu ta envolvi den e programa, por ehempel e mayornan, e profesionalnan y specialmente e muchanan. E programa tin un duracion di 6 luna, inicialmente e programa a cuminsa cu 18 mucha pero esaki a wordo aumenta awor na 36 mucha.
Minister di Turismo y Salud Publico, sr. Dangui Oduber ta contento di e resultado cu e programa ta dunando y ta gradici Dr.Jamiu Busari cu ta e fundador y “senior researcher” di JUMP18 pa bin cu e iniciativa aki. Tambe un danki tambe na henter e team di profesionalnan medico di JUMP18 pa haci e programa aki un exito.
Por haya mas informacion riba e website di JUMP18.
Share this page