Programa di Gobernacion 2021-2025 – Aruba mester di nos tur!

ORANJESTAD - Dialuna 22 di november, Gabinete Wever-Croes a firma e programa di Gobernacion ‘Aruba mester di nos tur’ pa gobernacion 2021-2025:

Tur Minister tawata presente na e ocasion aki. 

Minister President, Minister di Asunto General, Innovacion, Organisacion Gubernamental, Infrastructura y Planificacion Teritorial sra. mr. Evelyna C. Wever-Croes ta firma Programa di Gobernacion 2021-2025.Minister di Integridad, Naturalesa, Transporte y Cuido di Grandinan, sr. Ursell M. ta firma Programa di Gobernacion 2021-2025.Despues di 2 luna di gobernacion, exactamente 63 dia despues cu a huramenta, Ministernan di Gabinete Wever-Croes a entrega nan vision pa e siguiente temporada di gobernacion.

Cu e periodo di e gobernacion nobo, Pais Aruba ta dirigi su vision riba prosperidad sostenibel cu e meta pa ofrece nos ciudadanonan un calidad di bida digno. E vision, meta- y puntonan di salida ta dirigi di tal forma cu su implementacion ta cuadra cu e metanan di desaroyo (SDG’s).

Minister di Finansas y Cultura. Sra. Mr. Xiomara J. Maduro ta firma Programa di Gobernacion 2021-2025.Minister di Labor, Integracion y Energia, sr. Glenbert F. Croes ta firma Programa di Gobernacion 2021-2025.Pa realisa obhetivonan den e proximo periodo di 2021-2025, Gabinete Wever-Croes II, cu ta consisti di un coalicion entre partidonan Movemiento Electoral di Pueblo y Raiz, Aruba henter por conta cu lo concentra su empeñonan tanto den cada ministerio como e cooperacion estrecho riba nivel inter-ministerial cu lo ta e base pa brinda Pais Aruba un Gobierno solido y stabil. E compromiso pa sirbi nos Pais ta ancra den nos curason y e realisacion di esaki ta ancra den nos cooperacion.

E yabi pa exito ta den promove colaboracion, cooperacion y participacion di tur esnan envolvi fihando riba metanan comun pa resolve problema y enfrenta retonan.

Minister di Asunto Economico, Comunicacion y Desaroyo Sostenibel. Sr. mr. Geoffrey B. Wever ta firma Programa di Gobernacion 2021-2025.Minister di Salud Publico y Turismo, sr. Danguillaume P. Oduber ta firma Programa di Gobernacion 2021-2025.Gobierno a indika di ta consciente cu e retonan ta grandi, y oportunidadnan ta menos, pero e forsa di creatividad y e forma innovador di ciudadanonan di nos pais, lo ta nan yabi pa exito. Consciente cu un actitud negativo ta laga bo mira solamente reto y problema y cu un actitud positivo ta laga bo mira mas oportunidad y solucion, nos ta enfrenta e 4 añanan nos dilanti cu positivismo.

Vision, determinacion y curashi di henter nos comunidad, lo hiba nos riba e caminda di progreso y bienestar, cu un economia mas fuerte y resiliente, y un autonomia aun mas fuerte.

Minister di Husticia y Asunto Social, Sr. Rocco G. Tjon ta firma Programa di Gobernacion 2021-2025.     Minister di Enseñansa y Deporte, sr. Endy J. H. Croes ta firma Programa di Gobernacion 2021-2025.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options