Programa Aruba Kier Traha

ORANJESTAD - Recientemente Gobierno di Aruba a anuncia cu november ta e ultimo luna di FASE.

Logo FASEEsaki despues cu desde april 2020 e prome pago di FASE a bay pa 10.777 hende pa un total di 10,254.386 miyon.

Despues di esaki, Gobierno di Aruba a introduci Subsidio di Salario esta Loonsubsidie, pa sigura cu companianan ta mantene e trahadonan na trabou. Te cu october 2021, 19 luna despues, ainda tin mas di 2000 hende riba FASE.

Pero Aruba awor ta den su recuperacion. Companianan ta acercando DPL cu nan mester di trahado y no ta hayando. Minister di Labor, Sr. Glenbert Croes  a declara cu por ta cu e trabou cu tin eyfo no ta e trabou di bo soño. Pero mester considera esaki un trampolin pa despues yega na algo miho.

Den e cuadro aki,  Ministerio di Labor tin e programa cu yama Aruba Kier Traha.  Lo cuminsa ofrece diferente cursonan via Enseñansa pa Empleo pa yuda nos hendenan cu nan recapacitacion pa por integra facilmente y cumpli tambe cu e demanda di mercado laboral. E prome curso cu lo ofrec’e ta esun di Change of Mindset. Pakico esaki? Hopi hende a cay den e conformismo di ta na cas. E mentalidad aki mester transforma. E obhetivo ta pa inyecta y contagia nos hendenan bek cu optimismo, speransa y oportunidadnan nobo.

Mescos cu Gobierno di Aruba a yuda nos pueblo pa sobrevivi e pandemia ocasiona pa COVID 19, awor Pais Aruba ta haci un yamada riba bo, pa nos uni den nos esfuerso pa hunto nos pone nos Pais, nos mes, nos famia bek riba pia.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options