Procedura pa COVID-19 test prome cu biaha

ORANJESTAD -  October vakantie ta den porta y hopi ciudadano tin nan pasashi cumpra pa biaha bay diferente pais, e unico cos cu porta nan falta ta nan COVID-19 test negativo pa por drenta e pais cu nan ta bay bishita.

No ta tur pais ta exigi un COVID-19 test pa por drenta, pa sa cua pais ta exigi esaki ta necesario pa e biahero informa su mes di esaki cerca e aerolinea cu e ta bay biaha cu ne. 

COVID-19 test pa biahero.DVG pa e motibo aki kier informa cu pa haci e COVID-19 test necesario pa por biaha ta e biahero tin cu tuma contacto cu un laboratorio cu ta brinda e servicio di testing dentro di e tempo stipula.

Pa haci un COVID-19 test pa por biaha e ciudadano NO mester yama dokter di cas, tampoco mester yama DVG y no mester aplica pa e test via e sistema di test online. E proceduranan aki ta unicamente pa personanan cu tin sintoma di COVID.

Pues pa haya un COVID-19 test pa por biaha e biahero mester tuma contacto cu un laboratorio cu ta brinda e servicio di test pa laga haci e COVID-19 test necesario

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options