Parke Nacional Arikok ta forma parti di e Dutch Caribbean Nature Alliance (DCNA), di cual Prinses Beatrix ta su protectora. Durante di su bishita e lo bishita Spaans Lagoen, Bubali Plas y Universidad di Aruba.
Diabierna 31 di maart Prinses Beatrix lo ta presente na e ocacion di traspaso oficial di e area di Spaans Lagoen pa Parke Nacional Arikok. Por medio di e traspaso aki e e terenonan di Spaans Lagoen na un manera oficial lo bay forma parti di Parke Nacional Arikok cual lo haci cu e area aki lo ricibi e proteccion necesario. Spaans Lagoen tin un biodiversidad hopi halto y internacionalmente e ta area tin gran importancia pa motibo si su variacion di flora y fauna. Tambe e ta hopi importante pa parhanan acuatico y pisca di rif y cocolishi.
Diahuebs 30 di maart su Mahestad Prinses Beatrix lo ta presente na Universidad di Aruba pa presencia un debate di hobennan organisa pa Parlamento Hubenil. Lo tin dos tema cu lo ser debati riba dje; Economia versus Naturalesa y Turismo versus identidad.
Riba diabierna 31 di maart su Mahestad Prinses Beatrix lo bishita Bubaliplas, un zona cu hopi awa di gran importancia pa parhanan y biodiversidad. Bubaliplas ta un criadero y luga unda animalnan ta busca cuminda mas importante den Caribe.
Tambe Prinses Beatrix lo presencia un seminario den Parke Nacional Arikok.
E bishita lo conclui cu un lunch ofreci pa su Excelencia Gobernador di Aruba Sr. Alfonso Boekhoudt.
Share this page