A representa CBS su director mr. Marlon Faarup, y NSS door di dr. Desiree Helder, Presidente di e NSS Commissie y drs. Gayle Arendsz, Vice-presidente di e NSS Commissie,
E Sistema Nacional di Estadistica ta un cooperacion entre CBS y otro productor di estadistica oficial cu e meta di garantisa produccion di un gran variedad di estadistica oficial di calidad halto, relevante y actual pa asina esaki forma e fundamento di formulacion y evaluacion di maneho y di desaroyo sostenibel.
E informacion cu lo ser brinda door di e NSS ta un istrumento esencial pa gobierno pa fomenta bon gobernacion door di desaroya y monitorea maneho di manera mas responsabel y uzo mas efectivo di e fondonan di gobierno. E NSS no ta solamente pa gobierno, pero e NSS ta brinda informacion tambe na Parlamento den nan trabou primordial di controla gobierno. E NSS ta tambe pa sector priva, mundo academico y e publico en general.
E presentacion tabata uno hopi positivo unda varios Parlamentario a expresa nan sosten pa e proyecto NSS mirando e necesidad di esaki na Aruba. Tambe Parlamentarionan a haci pregunta tocante e condicionnan necesario pa implementacion di e NSS. Tambe a trece dilanti e necesidad pa ora di aloca fondo pa implementacion di NSS ta importante pa aloca fondo pa training pa e usuarionan di e datonan den aparato gubernamental.
“E NSS ta un proyecto cu lo duna nos e tool pa traha maneho di pais Aruba na un forma mas moderno, un forma eficiente, efectivo, participativo y transparente, yudando asina pa haci uzo di fondonan di gobierno mas efectivamente. Esaki ta un elemento esencial den bon gobernacion y mi ta spera di conta cu sosten di Parlamento di Aruba den esaki”, Minister Wever a comenta.
Share this page