Presentacion di Buki pa Mucha pa medio di Digiboards

Dit item is gearchiveerd op 29-11-2020.

ORANJESTAD-  Biblioteca Nacional Aruba ta informa cu e Festival di Buki pa Mucha ta ofrece contenido digital e aña aki.

DigiboardsEsaki ta tanto via e website di biblioteca, su pagina di Facebook, YouTube como pa medio di e proyecto di Digiboards den klas. Biblioteca Nacional a bin cu un initiativa piloto pa Aruba unda ta ofrece material digital apto pa Digiboards pa uzo den klas. E storianan di e buki pa mucha Ora Ubao / Schelpeneiland  den 2 idioma por wordo presenta y trata via Digiboards. Ademas e informacion tocante e autornan cu a skirbi storia pa e buki aki y tin extra informacion y fuente pa busca mas informacion.

Boek ‘Sincuria is een goede hoed’ (Sincuria ta bon sombre), skirbi door Liliana ErasmusPa medio di Digiboards tur alumno den klas hunto por lesa e buki di e Festival di Buki pa Mucha. Por haci’e interactivo, door di duna otro turno pa lesa of haci pregunta. E maestro por lesa e buki mientras cu e alumnonan ta wak e imahennan y texto riba Digiboard. Tambe tin un version estilo ‘Kamishibai’ disponibel cu tur ilustracion di e buki. Den e version aki e ilustracionnan ta yena e pantaya completo, sin texto.

Muchanan den klas ta tuma lesE presentacion aki a keda traha den Prowise Presenter-omgeving, cu ta un online tool pa traha material y les interactivo. E instrumento aki ta disponibel riba tur Prowise Digiboards. Esaki ta den uzo p.e. na diferente scol publico (DPS) y scolnan di SPCOA. Pero esaki ta posibel tambe riba otro tipo di Smartboards y Digiboards via e browser. Of pa medio di cualkier computer conecta cu un smartscreen of beamer/projector, tanten cu tin conexion di Internet. Docentenan por crea un account gratis pa habri e contenido di e Festival di Buki pa Mucha y tambe pa crea nan mes les.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options