Recientemente e historiado Arubano, biba na Hulanda, Sr. Ronald Donk a publica un buki cu e titulo: ‘Beschaving, Bekering en Bevoogding.’ Honderd jaar onderwijs op Curaçao, Aruba en Bonaire (1816-1916).
Diamars 24 di september venidero e autor Ronald Donk ta duna un lectura cu ta trata su ultimo buki na departamento Arubiana den Bachstraat na Oranjestad.
Temanan central di e buki ta Civilisacion, Conversion y Paternalismo. Un investigacion
historico profundo haci riba e areanan aki den e periodo di siglo 19, riba nos islanan ABC.
Tocante e autor:
Drs. Ronald Donk a nace na 1945 na Aruba, su prome añanan escolar el a bay scol na San Nicolas. Despues e famia a bay biba na Hulanda, unda el a sigui su studio. El a gradua como maestro di scol. El a traha 40 aña den enseñansa den diferente nivel di enseñansa secundario.
Desde 1975 te cu 1978 e tabata docente na Colegio Arubano, Antilliaanse Lerarenopleiding y Academia Pegagogico Arubano. Durante e ultimo 15 añanan e autor a publica diferente articulo relaciona cu historia di Corsou manera comercio di esclavo, esclavitud pero tambe temanan relaciona cu enseñansa na islanan Sotavento.
El a duna tayer y lectura na diferente pais, entre otro Inglatera, Rusia y Sur-Africa, Surnam, Corsou y Aruba. E ta autor di diferente katern riba e topico di Sclavitud, e negoshi y e emancipacion despues di abolicion di sclavitud den teritorio Caribense. Conhuntamente cu otro autor el a skirbi e buki “ Geschiedenis van de Antillen” (2009). Recientemente el a publica algun articulo den “ Archiefvriend” y den “Antilliaans Dagblad”.
Presentacion diamars 24 di september:
Biblioteca Nacional Aruba ta invita un y tur cu ta interesa den e topico aki, un parti esencial den nos historia, pa presencia e lectura di drs. Ronald Donk, diamars 24 di september di 7:30 pa 9:30 di anochi den e cura di Arubiana na Bachstraat 5 na Oranjestad wak e (invitacion). E lectura ta na Hulandes. Despues di e presentacion tin oportunidad pa cumpra e buki pa 50 florin.
Share this page