Presentacion di 2 buki basa riba historia di Aruba

ORANJESTAD  - Den fin di siman a tuma luga presentacion di dos buki di sr. Earney Lasten.

E presentacion aki a tuma luga na Hoffi Shon Shoco den Parke Arikok y a conta cu presencia di Prome Minister, mr. Evelyn Wever-Croes, Ursell Arends y Gislaine Winterdaal, representando Minister di Finansa, Asunto Economico y Cultura.

Presentacion di e dos bukinan “A methodology for planning and designing staged-authentic heritage attractions in small island nations” y e buki “Orua to Aruba: an island story 1300-2000” di Earney Lasten.Prome Minister di Aruba, Evelyn Wever-Croes a atende presentacion di e dos bukinan “A methodology for planning and designing staged-authentic heritage attractions in small island nations” y e buki “Orua to Aruba: an island story 1300-2000” di Earney Lasten.“A methodology for planning and designing staged-authentic heritage attractions in small island nations” y e buki “Orua to Aruba: an island story 1300-2000” ta basa riba  historia di Aruba y con pa converti esaki den un atraccion turistico. E estudio pa traha riba e documentacionnan a tuma 5 aña y ta encera hopi informacion.

“E bukinan ta laga nos cu herment pa practica y crea di esaki un desaroyo economico a traves di atraccion turistico na nos pais caminda cu turistanan na Aruba por siña conoce kico nos historia ta” Prome Minister a remarca.

E bukinan ta bon pa nos mes como ciudadano, pero tambe un bunita detaye como regalo na turista y bishitantenan di exterior, pasobra nan ta contene Aruba su historia y esaki sigur ta di hopi balor.

“Mi ta gradici sr. Lasten pa e trabou y esfuerso grandi pa traha un documentacion asina amplio riba historia di nos pais y pa laga nos cu un joya di documentonan y awo e ta na nos pa duna esaki bida. Pabien cu e dos bukinan aki”, Prome Minister a expresa.

Prome Minister, mr. Evelyn Wever-Croes, Ursell Arends y Gislaine Winterdaal, representando Minister di Finansa, Asunto Economico y Cultura durante presentacion di e dos bukinan “A methodology for planning and designing staged-authentic heritage attractions in small island nations” y e buki “Orua to Aruba: an island story 1300-2000” di Earney Lasten.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options