Presentacion buki na Papiamento hunto cu Prinses Laurentien (gearchiveerd)

Despues di e presentacion oficial den Parke Nacional Arikok, Prinses Laurentien como escritora a reuni cu un grupo di hoben cu a lesa e buki na Hulandes y el a combersa cu nan. No solamente di e contenido pero tambe riba e topico di durabilidad den nos medio ambiente. Na final di e encuentro e hobennan a ricibi un copia di e buki “Mr. Finney y e otro banda di awa” na Papiamento firma pa Prinses Laurentien.
Na Insituto Pedagogico Arubano, Prinses Laurentien a topa cu docentenan y futuro maestronan y a intercambia idea tocante promove lesamento bou di muchanan for di un edad hoben.
Prinses Laurentien lo reuni tambe cu miembronan di Fundacion Bon Nochi Drumi Dushi, un instancia cu ta traha pa promove lesamento di buki na cas.