Preparacion pa temporada di horcan Tip 7

ORANJESTAD - Durante temporada di horcan ta hopi importante pa prepara un plan di emergencia pa famia, pero tambe pa e mascotanan di cas.

Aki tin algun tip con pa prepara bo mes pa bo mascota  ta proteha den e temporada aki:

  • Temporada di horcan  Prepara un espacio cu ta duna proteccion contra awa y biento fuerte. Si e mascota por ta paden cerca di famia, ta miho. Esaki lo yuda mantene e mascota trankilo.
  • Percura pa e espacio ta confortabel cu ta contene awa, cuminda y e obhetonan preferi di bo mascota.
  • Percura pa tin suficiente cuminda y awa pa e mascota durante minimo durante 7 dia.
  • Acumula material necesario pa mantene higiena di bo mascota durante e dia/oranan cu e ta den cas. Material manera papel di corant, saco di sushi y pads pa vloer, entre otro.
  • Si durante of despues di horcan bo famia mester evacua, hiba bo mascota cu bo, no lag’e atras.

Pa mas informacion y keda bon informa riba horcan, like y follow Pagina di Facebook di Departamento di Salud Publico y Bureau Rampenbestrijding Aruba.

Preparacion pa temporada di horcan -Tip 7

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options