Preparacion andando pa bishita di Rey Willem Alexander, Reina Maxima y Prinses Amalia e luna aki

ORANJESTAD - Actualmente Conseho di Minister ta bezig cu preparacionnan pa bishita di Rey Willem Alexander, Reina Maxima y nan yiu Prinses Amalia.

E ultimo biaha cu e famia real a bishita Aruba tabata 8 aña pasa, sin nan yiu muhe Prinses Amalia, pues esaki lo ta su prome biaha na Aruba. Gobierno di Aruba ta ansioso pa ricibi e bishita y ta haciendo tur e preparacionnan pa asina e famia real por haya un caluroso bon bini.

Bishita Real 2013Prome Minister Evelyn Wever - Croes a splica cu Rey Willem Alexander hunto cu su famia lo reuni cu Gobernador di Aruba, Parlamento di Aruba y Gobierno, pero banda di esaki lo tin amplio oportunidad pa comunidad tambe saluda Rey Willem Alexander, Reina Maxima y Prinses Amalia. E actividadnan lo tuma luga na playa y na San Nicolas, pues lo tin suficiente momento pa tur hende saluda e famia real y pa mayornan presenta e yiunan na e Rey, Reina y Prinses di Reino Hulandes.

Desde cu a anuncia e bishita a tuma nota di hopi interes y entusiasmo den comunidad pa cual di parti gobierno ta desea cu scolnan tambe prepara pa e bishita y cu comercio decora nan establecimentonan pa duna Rey Willem Alexander, Reina Maxima y Prinses Amalia e caluroso bon bini na Aruba.

Por ultimo, Premier Wever - Croes a bisa cu e programa y tur detaye manera fecha, orario y sitio di e bishitanan ainda ta den preparacion, pero desde awo henter comunidad ta invita pa asisti na esaki

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options