Minister di Finansa, Asuntonan Economico y Cultura a asisti na e premiere di e pelicula cu ta skirbi y dirigi pa e hoben Juan Fransisco Pardo kende na e edad di 14 aña a skirbi e script pa e pelicula aki. E storia di Ciudad Oraño ta mustra con nos hobennen ta enfrenta y confronta peer pressure.
Despues di e evento Minister Ruiz-Maduro a combersa un rato cu mayornan y famia di Juan Fransisco Pardo, kende a comparti cu e mandatario con nan tabata e promer actornan di Juan Fransisco su grabacionnan.
Un palabra di gratitud ta bay na e mayornan di Juan Francisco Pardo pa a brinda e inspiracion y sosten necesario pa awe nos por conta cu produccion local manera e pelicula 'Abo so' y awor 'Ciudad Oraño'.
Miniser Ruiz Maduro a hiba palabra y a felicita Juan Francisco Pardo y henter e elenco di Ciudad Oraño pa e bunita pelicula den cual nos talentonan local un bes mas ta resalta.
Comundad completo y specialmente na nos hobennan ta keda invita pa bin apoya nos talentonan hoben cu a dedica nan tempo pa traha un produccion local pa e pueblo di Aruba por disfruta.
Pa mas informacion tocante Ciudad Oraño por bishita e pagina di Facebook di Ciudad Oraño.
Share this page