HomeActualidadNoticiaPreclearance Mericano na Universal Aviation

Preclearance Mericano na Universal Aviation

Dit item is gearchiveerd op 21-04-2014.

ORANJESTAD – Aruba ta dispone awo di un servicio di Pre-Clearance pa avionnan priva cu ta sali for di Aruba cu destino pa Estados Unidos. E servicio ta encera inspeccion di Inmigracion y Aduana.

E servicio a keda inaugura na e facilidad di Universal Aviation N.V. banda di Aeropuerto Internacional Reina Beatrix. Aruba ta e prome pais den Caribe cu tin e servicio di Preclearance pa Merca pa avionnan priva.
Segun minister Otmar Oduber encarga cu turismo e servicio di Preclearance lo crea mas oportunidad pa e turismo di Aruba specialmente pa loke ta concerni e mercado Venezolano.
Mas avion priva lo bishita Aruba y esaki lo ta na beneficio di e economia di e isla.
E inauguracion a tuma luga den presencia di Prome Ministro Mike Eman, ministro di Asuntonan Economico, Comunicacion y Medio Ambiente ing Mike de Meza, director di Preclearance Operations di US Customs & Border Protection Dylan Di Francisi, representante di Consul Mericano, Hormazd Kange y Claudio Stamper, managing director di Universal Aviation N.V.
Prome ministro Mike Eman a declara cu a base di confiansa paisnan ta cuminsa elimina nan fronteranan, indicando cu e fundeshi grandi di amistad cu ta existi entre Estados Unidos di Merca y Aruba ta haci cu e confiansa aki por sigui crece.
 

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options